चाकः अलः
चाकः अलः तइबलय् पतिं च्वकां निसें कयाः पालि बापा तक जक मखुकि पालिया छचाःखेरं ग्वालि त्वपुक्क तइ ।
नीसी याइबलय् अलः
नीसी याइबलय् छलंचां लुसि थिजक थीकाः तुतिया पतिंया च्वका च्वकाय् अलः भ्याकं थि जक थीकी ।
बापा अलः
बापा अलः तइबलय् तुति पतिंच्वकाय् जक मखुकि न्यापचिंया द्यःने व पालिया बछि तक तयेगु चलन दु ।
सामान्य अलः
सामान्य रुपं अलः तइबलय् तुतिया न्यापतिं च्वकाय् नं ह्याउँक तइ, तर बुरा पतिंया क्वथ्यंक तबालाक पतिंम्वःया च्वय् तक साली ।