प्याथंनिसें सीधुंकाः तकया संस्कार (गर्भदेखी मरणोपरान्त सम्मको संस्कार) नांगु सफूया च्वमि भाजु विनोदमान राजण्डारी खः । मय्जु गीता राजभण्डारीं ने.सं ११२८ य् पिकयादीगु थ्व सफुलिइ छगू पानाय् नेवाः भाय् मेगु पानाय् नेपाली भाय् छ्यलाः नेवाःतय्सं जक मखु नेपालीभाषीपिंसं नं थुइमा धकाः च्वयातःगु सफू खः । नेवाःतय्गु मंकाः संस्था नेवाः देय् दबूया कोषाध्यक्ष जुयाच्वनादीम्ह विनोद राजभण्डारीं नेवाः भाय् मसःपिं स्वनिगःया पिनेच्वंपिं नेवाःतय्सं नं थःगु नेवाः तजिलजि म्हसीमा नापं थ्व सफू थःपिनिगु जातीय तजिलजि हनेत छगू निर्देशिका थें जुइमा धैगु तातुनाः अति संक्षिप्तं सरल भाषं च्वयातःगु सफू खः।
