सितुमाः भाजु सुन्दर कृष्ण जोशीं च्वयादीगु बाखं मुना खः । थ्व सफू साहित्यया मूलुखां ने.सं. १०९९ य् पिथंगु खः । थुकिइ सांस्कृतिक, ऐतिहासिक व सामाजिक स्वथी कथंया च्यापु बाखं दुथ्याना च्वंगु दु । पिकाकः साहित्यया मूलुखापाखें छत्रबहादुर कायस्थं च्वमि सुन्दर कृष्ण जोशीयात म्हो च्वयाः नं नांजाःम्ह धकाः म्हसीका बिसें थ्व मुनाया प्रत्येक बाखनय् भाषाय् परिपक्वता, शैलिइ सुन्दरता व भावनाय् राष्ट्रियता दुगु खँ न्ह्यथना तःगु दु । नेपालय् मञ्जुश्री, बुंगद्यो यलय् हे बिज्याके माः, बिस्का जात्रा, लोमने त्यंगु बाखं, सुथ जुइवं, मायांकाया, संगत व छु वैत नाप लाये फइ हे मखुतला? बाखं थुगु सफुलिइ दुथ्याना च्वंगु दु ।