धोलक बाजंयात प्रमुख व उकिया सहयोगी वा पासा बाजं कथं झ्यालि, ताः, तिंछु, करताल, ताइँताइँ आदि समेत थानाः याइगु भजनयात हे स्थानीय बोली कथं ‘धल्चा भजन’ धाइगु खः ।
थ्व धल्चा भजनया मेमेगु फुक्कं पद्धति गथेकि भजन सुरु यायेन्ह्यः ‘द्यः ल्हायेगु, पंच भजन हालेगु, फर्मासम्ये, ऋतुगतम्ये, भजनया दकलय् लिपा आरति म्ये हालाः द्यः ल्हानाः भजन क्वचायेकेगु आदि ९० प्रतिशत स्वयां अप्वः मेमेगु भजननाप ज्वःलाः ।
खाली मूबाजं तबला, पछिमा, वा नगराया थासय् मू बाजंकथं धोलक थाइगु खः । धल्चा भजन ख्वप, थिमि, बोदेया त्वाःत्वालय् छथाय् निथाय् आः नं खंकेफु । येँ, यलपाखे थ्व भजन न्हनेधुंकल ।