कलाकार ज्ञानबहादुर महर्जन ‘नेवाः’ ने.सं. १०८७ चिल्लाथ्वः दुतिया, सोमबारखुन्हु किपूया मान त्वालय् अबु हिराबहादुर महर्जन व मां नानी महर्जनया कोखं बूम्ह खः । वय्कलं ने.सं. ११०२ य् ‘लूजः’ छधाः प्याखं, ११०३ य् ‘जब सत्य न्यलावनी’, ने.सं. १११२ य् ‘जि वया ला लछि मदुनि’ पूधाः प्याखं, ने.सं. ११११ य् ‘गाः’ सतक नाटकय् थःगु अभिनय कला न्ह्यब्वया दीगु दु । वय्कः नविन पुस्तकालय, ह्याउँनिभाः, प्रतिभा साहित्यिक परिवारय् आवद्ध जुया च्वनादीगु दु ।
वय्कलं म्हितादीगु ‘जब सत्य न्यला वनी’ प्याखनं अन्तर क्याम्पस छधाः प्याखं धेंधेंबल्लाखय् लियांल्यू सिरपाः त्याकूगु खःसा ‘ओम नमः शिवाय’ प्याखनं ब्यांचुलि ख्यालः धेंधेंबल्लाः कासाय् न्हाप सिरपाः त्याकूगु खः ।
Leave a Reply