बापालाः—अप्पा सफू नेपालभाषाया नांजाःम्ह च्वमि भूषणप्रसाद श्रेष्ठजुं च्वयादीगु नेपालभाषाया न्हूबाखं/ चिबाखंया मुना खः । च्वसापासाया लुखां ने.सं ११४१य् पिदंगु थ्व संग्रहय्तःहाःबाखं व चिबाखं याना नीछपु बाखं दुथ्यानाच्वंगु दु । जिगु बाखं चिबाखं मब्वंपिंत दुनुगःया द्यछा धकाः न्हूपिं ब्वमिपिंत व्यंग्य भाषां देछायातःगु थ्व सफुलिं भाजु भूषणप्रसादं बाखं गथे च्वं धकाः जक मखु थौंया चिबाखं गथे जुइमाः धैगु म्हसीकेबीगु नं ज्या याःगु दु । थ्वय्क:या मेमेगु बाखनय् थें थ्व संग्रहय् नं थौंया यर्थाथताया चित्रण कवितात्मक संवेदनशीलताया नापं नुगलय् थुंदिक प्रस्तुत यायेगु शिल्प थ्व संग्रहय् नं विद्यमान जूगु दु ।
Leave a Reply