लिपिविज्ञ पं. हेमराज शाक्यया बुद्धमूर्ति छगू अध्ययन सफू ने.सं. १०९७ य् च्वसापासां पिथंगु खः । शाक्यं थ्व सफुलिइ नेपालय् दुगु बुद्ध मूर्तिया अध्ययन यानाः उकिया विस्तृत रुपं वर्णन् यानातःगु दु । थ्व सफुलिइ भारतीय पुरातत्वविद् कृष्णदेवं तकं भूमिका च्वयातःगु दु ।
नेपालय् दुगु शाक्यमूनि बुद्धया थीथी मूर्तिया किपा सहित मूर्तिया बारे च्वयातःगु थ्व सफुलिइ शाक्यमुनिया थीथी मुद्रा, नेपाःया बुद्धधर्मया पुरातात्विक महत्व, शाक्यमुनि बुद्धया परिचय, सप्तबुद्धया जीवनी, स्वनिगः दुने लुइकूगु ल्वहंया बौद्धमूर्तितय् धलः, शाक्यमुनि बुद्धया चचा म्ये, दाफा म्ये आदि दुथ्याकातःगु दु । थौंतक स्वनिगः दुने लूगु शाक्यमुनि बुद्धयागु मूर्तिइ अंकित विभिन्न प्रकारया हस्तमुद्रा व पद्संचारण (आसन भेद) गुलि दु, ग्वताजिया दुधयागु विषय नं सफुलिइ न्ह्यब्वयातःगु दु ।
Leave a Reply