वय्कः छम्ह प्रस्तर मूर्तिकलाया ख्यलय् ज्वः मदुम्ह कलाकार खः । वय्कः ने.सं. १०४३ असारय् यलया भिन्छेबहालय् जन्म जूगु खः । वय्कलं अबुजु स्व. पुनज्योति बज्राचार्यपाखें हःपाः कयाः प्रस्तर मूर्तिकला ख्यलय्् ने.सं. १०४३ स ज्या न्ह्याकादीगु खः । वय्कःया कलाया बिषेशता धैगु प्रस्तरया बौद्ध मूर्ति, चैत्य, स्तम्भ व प्रस्तरया हे झ्याःत निर्माण याना पलिस्था यायेगु खः । न्ह्यथने बहःगु कृति— १) यल किन्द्वलय् ७ फिटया बुद्ध मूर्ति निर्माण यानाः पलिस्था २) नेपाल राजकिय प्रज्ञा प्रतिष्ठानय् प्रस्तरया तिकिझ्याः निर्माण यानाः पलिस्था ३) येँया पचलि घातय् प्रस्तरया १०० थान १२ इञ्चया थी थी देवी देवतापिनिगु मूर्ति निर्माण यानाः पलिस्था ४) नारायणहिति राजदरवारया दक्षिण ध्वाखाया प्रस्तरया किसि, सल व ल्वहंहितिया निर्माण । ५) बर्माय् निर्माण जूगु पशुपति मन्दिरया ३० इञ्च तःजाःगु जलहरी निर्माण ५) कलकत्ता महावाणिज्य दुतावासय् महादेवया मूर्ति निर्माण ६) गुहेश्वरीया मूलुखाय् अष्टमातृका देवी देवता निर्माण ७) वीरगञ्जया मिसवाय् ७ फिटया बुद्ध मूर्ति निर्माण ८) तात्कालिन नेपाल प्रहरी मार्फट ७५ गू जिल्लाया थी थी चौकीइ प्रस्तरया भगवती मूर्ति निर्माण व पलिस्था ९) २५० थान चैत्य स्वनिगःया थीथी थासय् थीथी इलय् निर्माण यानाः पलिस्था । मान पदक तक्मा— इन्द्रराज्यलक्ष्मी पुरस्कार ।
बुद्धरत्न बज्राचार्य
Leave a Reply