थुगु ब्वघासा सफू तीर्थलाल नःघःभनीं च्वयादीगु बाखं मुना खः । थ्व ब्वघासा बाखंमिया न्हापांगु बाखं सफू खः। ने.सं. १०७८ य् श्रेष्ठ प्रकाशनं पिथंगु थुगु बाखं मुनाय् च्यापु बाखं दुथ्यानाच्वंगु दु । थुपिं थथे खः– उखुन्हु, म्हालं, कतांमधि, जू, लाकांखुँ, इयरपिन, भ्वय्कासा, अंगू । थ्व सफुलिइ बाखं च्वयेगुलिइ उत्साह दयेका बिउगुलिं धर्मोदय पत्रिका, गुरु चित्तधर नाप लाका बिउगुलिं भगवती प्रसाद श्रेष्ठ व स्यना, कनाः न्वानाः ज्ञान बुद्धि बिउगुलिं चित्तधर हृदय प्रति बाखंमिं थःगु कृतज्ञता प्वंकातःगु दु । भूमिका कथं माधवलाल कर्माचार्यं छुं खँ तयातःगु दुसा पिकाकःपाखें स्वयम्भूलाल श्रेष्ठं नं थःगु खँ तयादीगु दु । थुगु सफुलिइ च्यापु बाखंयात च्याता घासा धकाः ब्वयाः सफूया छ्यं ब्वघासा धकाः तःगु खः ।
Leave a Reply