ग्वय्दां व मेमेगु छधाः प्याखं सफू नांजाःम्ह भाषा न्ह्यलुवाः व च्वमि पद्मरत्न तुलाधरं च्वयादीगु झिंस्वपु छधाः प्याखंया संग्रह खः । थुकी दुथ्याःगु प्याखं पद्मरत्नं थीथी इलय् गबलें थीथी कार्यक्रमया निंतिं दबुली क्यनेतसा गबलें पत्रपत्रिकाय् पितबीत च्वयातःगु प्याखं खः । थुकियात हे छथाय् मुनाः ने.सं ११३८ य् च्वसापासां छधाः प्याखं संग्रहया रुपय् पिकयाब्यूगु खः। छधाः प्याखं मुनाय् मां व काय, मचापिनि खँ, सकलें ख्वय्माः, कलाःयात ह्ययेकीम्ह मिजं, प्यम्ह तःकेहेँ, म्हयाय्या जातः, ग्वय्दां, धकिं पिनेया मनूत, वैंशया हू, स्वांया पुन्हि न्ह्यः कुन्हु, थन म्वायेत वँय् जुइमाः, न्हूसतकं षडयन्त्र छगू संयोगया प्याखं दुथ्यानाच्वंगु दु ।