बौ जगतबहादुर श्रेष्ठ व मां पद्मनयना श्रेष्ठया क्वखं ने.सं. १०१६ तछलाथ्व ९ कुन्हु यलया क्वाबहालय् समाजसेवी भाजु ज्यानबहादुर नेवाःया जन्म जूगु खः । समाजसेवा नापनापं थःगु मांभाय् नेपालभाषा साहित्यया नं सेवा यानादीम्ह भाजु नेवाःया पूवंगु नां ज्यानबहादुर श्रेष्ठ खः ।
संस्कृत साहित्यया गाक्क अध्ययन दुम्ह नेवाः भाजुं नेपालभाषा व नेपाली भाषाय् निबन्ध च्वयेगुया नापनापं अनुवाद यायेगु ज्या नं यानादी दु । अनुवाद यायेगु हे झ्वलय् वय्कलं दकलय् न्हापां संस्कृतयागु श्रीमद्भगवद्गीताया नेपालभाषां भाय् हिलाः वि. सं. २००७ य् पिथनादिल । भाषाव्याकरण सम्बन्धी नं गाक्कं अध्ययन दुम्ह ज्यानबहादुर नेवाःनं ने.सं. १०८१ दँय् नेपालभाषा व्याकरण नांगु सफू पिथनादिलसा धर्म दर्शनं समाजय् गज्याःगु प्रभाव लाकी धयागु खँयात कुलातःगु छु झी धर्मया लँय् खःला (ने.सं ११०२) नांगु सफू पिथनादिल । थुकथं ने.सं. १०८३ दँय् भाषाजवाःया उपाधीं सम्मानित जुयादीधुंकूम्ह भाजु ज्यानबहादुर नेवाः भाषा व समाजया सेवा यायां ने.सं. ११०८ अर्थात् ९२ या उमेरय् दिवंगत जुयादिल ।
Leave a Reply