महाकवि गिरिजाप्रसादं च्वयादीगु ने.सं. ११०१ श्री पंचमीकुन्हु तय्जु प्रकाशनपाखें प्रकाशित लक्ष्मी व सरस्वती उपन्यास लोकबाखनय् आधारित मचा उपन्यास खः । खुगू द्याय् ब्वथलातःगु थ्व मचाउपन्यास नेपालभाषाया न्हापांगु मचाउपन्यास खः । थ्व उपन्यासय् मचातय्त धन, ज्ञान व पद स्वतां चीधंगु मखु दकलय् तःधंगु बस्तु शिक्षा अर्थात ज्ञान खःसा दकलय् नीचगु ला घमण्ड खः धैगु खँ लक्ष्मी व सरस्वतीया बाखं पाखें क्यनेगु यानातःगु दु । धनं मनूयात घमण्ड जुइके बी तर ज्ञानं घमण्डीम्ह मनूयात नं ज्ञानी यानाबी, घमण्डी जुइके बी मखु उकिं ज्ञान, धन व पद थुपिं स्वता मध्ये दकलय् तःधंगु ज्ञान खः धैगु शिक्षा हे थ्व उपन्यासया मू सार जूगु दु ।
Leave a Reply