मतया जलय् मय्जु मोतिलक्ष्मी शाक्यं च्वयादीगु सामाजिक बाखं संग्रह खः । ने.सं. ११०२ य् भाजु चिनियामान शाक्यं पिकयादीगु थ्व १२५ पौ दुगु सफुलिइ झिंनिपु बाखं दुथ्यानाच्वंगु दु । थौं स्वयाः पीदँ न्ह्यः रचना जूगु थ्व सफुलिइ, उगु ईया सामाजिक परिवेशयात कयाः च्वयातःगु बाखं दुथ्यानाच्वंगु दु । थ्व सफूया अन्तिम बाखं मतया जलय्यात मूल बाखं कथं कयाः भगवान बुद्धयात थ्व जगत संसारया छप्वा थीगु मतया रुपय् मानय् यानाः उकिया आधारय् सफूया नां मतया जलय् तयातःगु खः । सफूया न्हापांगु बाखं ह्वयेत पियाच्वंम्ह मुखू च्वमिया कलमं पिज्वःगु दकलय् न्हापांगु बाखं खयां नं पुरस्कार त्याकेत ताःलाःगु बाखं खः । थुकी मां थेंज्याःम्ह महान व्यक्तिया म्ह्याय्पिं प्रतिया अगाध प्रेमयात कयाः मांपिंसं म्ह्याय्पिंत बीगु मुख्यगु सिरपाः धकाः पय्नबीबलय् विदाइया ल्हाग्वय् नापं मांया मिखां पिज्वइगु मतिनाया हिख्वबि खः धकाः क्यनादीगु दु ।
Leave a Reply