मूस्वां धुस्वां साय्मिं च्वयादीगु नेपालभाषाया न्हापांगु चिबाखं संग्रह खः । ने.सं १०७३ य् परमानन्द बज्राचार्यजुं पिकयादीगु थ्व चिबाखं संग्रह नेपालभाषाया न्हापा न्हापाया तन्त्राख्यान, हितोपदेश आदिया बाखं थें छुं अनुदित शुक्ति वा नीतिकथा मखुसे धुस्वांया मौलिक कृति खः । थ्व सफूया निगूगु संस्करण धाःसा रत्नपुस्तक भण्डारं पिकयाब्यूगु खः । थ्व मूस्वां समाजय् विद्यमान आर्थिक विसंगति, मनूतय् जीवनप्रतिया आस्था आशा निराशा आदि न्ह्यब्वया जीवनया यर्थाथताया उद्बोधन यायेगु चेष्ठा यानातःगु बाखं पुचः खः । सामाजिक मनौवैज्ञानिक यर्थाथता थ्व संग्रहया प्रवृतिगत विशेषता जूगु दु । तर थौंया लघुकथा कथानकया तीव्रता तिक्ष्णता आदि गुगु विशेषता खः थुपिं विशेषता थ्व संग्रहय् दुथ्याःगु फुक्क बाखनय् समाहित जूगु धाःसा मदु ।
Leave a Reply