दकलय् न्हापां ने.सं. १११४ दँय् नेपालभाषा परिषद्ं पिकाःगु अले हाकनं नीप्यदँ लिपा ने.सं. ११३८ दँय् नं नेपालभाषा मिसा खलः प्रकाशनयात ग्वाहालि कथं नेपालभाषा परिषदं हे स्वंगू भाषां (नेपालभाषा, नेपाली भाषा, अंग्रेजी भाषा) भाय् हिलाः मय्जु सरस्वती तुलाधरया मुनाय् पिकाःगु बाखं मुना सफू मोति बाखं पुचःया च्वमि मय्जु मोतिलक्ष्मी उपासिका खः । थ्व सफुलिइ सुधारवादी भावनां जाःगु झिंस्वपु बाखं दुथ्याकातःगु दु ।