नेपाल संस्वृतिया छगू झलक सफू नांजाःम्ह च्वमि मदनमोहन मिश्रं च्वयादीगु नेवाः संस्कृति विषयया छगू अनुसन्धानमूलक सफू खः । छन्दबद्ध कविता च्वइम्ह कविया रुपय् परिचितम्ह मदनमोहन मिश्रं गद्य विधाय् नं ल्हाः न्ह्याकूगु दसु खः । थ्व च्वखँ सफू – नेपाल संस्वृतिया छगू झलक जूगु दु । ने.सं १०८५ य् श्रेष्ठ प्रकासनपाखें पिदंगु थ्व सफुलिइ नेपाःया पुरातत्व व संस्कृतिसम्बन्धी जः ह्वलीगु अनुसन्धानात्मक च्वसु दुथ्यानाच्वंगु दु । थुकी छुं नं देय्या संस्वृतिया मुख्य हा देय्या भौगोलिक परिस्थितिनाप स्वचानाच्वनी धकाः कनेगु कुतः यानातःगु दु । थ्व सफुलिइ नेवाः त्वाःत्वाःया नां गथे अपभ्रंश जुया वन धकाः बांलाक विश्लेषण नं यानातःगु दु ।
Leave a Reply