नेवाः समाज

नेवाः समाज नेवाः देय् दबूपाखें ने.सं ११२७ य् पिदंगु नेवाः समाज दुनेया थीथी जातिया परिचयात्मक सफू खः । थ्व सफुलिइ नेवाःतय्‌गु राष्ट्रिय स्तरया संस्था नेवाः देय् दबू दुने दर्ता जूगु झिंगुंगू जाति—
१) उदाय् २) कपाली ३) कारंजित ४) चित्रकार ५) ज्यापु ६) तण्डुकार ७) द्यःला ८) धोबि ९) नकःमि १०) नायः ११ ) प्रजापति १२) वज्राचार्य १३) मानन्धर १४)माली १५) रंजितकार १६)राजकर्णिकार १७) राजोपाध्याय १८) शाक्य १९) स्यस्यः
आदि थीथी नेवाः जातिया वर्णनाणुक्रम कथं परिचय बियातःगु सफू खः । थथे प्रत्येक जातिया परिचय व हे जातियापिंसं च्वयेगु याःगु दु । थथे थःथःपिनिगु जातिया बारे च्वयेगु यानादीपिं च्वमिपिं खः— उदाय् उत्तमराज शिलाकार, कपाली सुर्दशना, कारंजित मंगला कारंजित, चित्रकार पूर्णमान चित्रकार, ज्यापु डा. पञ्चनारायण महर्जन, तण्डुकार मदनप्रसाद तण्डुकार, द्यःला माइलाबाबु द्यःला, धोवि रमेशकुमार कनौजिया व किरण मधैया, नकःमि डिल्लिराम नकःमि, नायः मनोज नेवाः, प्रजापति सुरेन्द्र विक्रम प्रजापति, वज्राचार्य फणीन्द्ररत्न वज्राचार्य, मानन्धर प्रेम साय्‌मि, माली तीर्थनारायण माली, रंजितकार भाइराजा रंजितकार, राजकर्णिकार मदनदास राजकर्णिकार, राजोपाध्याय गोवर्द्धन शर्मा, शाक्य सुवर्ण शाक्य, स्यस्यः पदम श्रेष्ठ । थथे नेवाः समुदाय दुने थीथी जातिया (१९ जातिया) वंशावली, मू थाय्‌बाय्, जनसंख्या, लजगाः, आर्थिक, सामाजिक, सांस्कृतिक, धार्मिक, भाषिक, भाषिकस्थिति आदिया विस्तृत विवरण दुथ्याःगु थ्व नेवाः समाज सफू नेपालभाषाया ख्यलय् न्हापांगु सफू खः । नेवाः जातिया विषयय् अध्ययन अनुन्धान याइपिनिगु निंतिं थ्व सफू छगू मूवंगु ज्वलं जुइ ।