नेवाः स्वायत राज्य – नेवाः सांस्कृतिक ज्ञानकोश

नेवाः स्वायत राज्य नेवाः न्ह्यलुवा भाजु मल्ल के सुन्दरं च्वयादीगु नेवाःतय्‌त थःगु अस्तित्वया निंतिं मदयेकमगाःगु नेवाः स्वायत्त राज्यया सम्बन्धय् ध्वाथुइकेत कुतः यानातःगु सफू खः । नेवाः जागरण संचार मञ्च पाखें भाजु रमेश महर्जनया आर्थिक ग्वहालिं ने.सं ११३० य् पिदंगु थ्व सफुलिइ खुगू ब्व दु । न्हापांगु ब्वय्– नेपाः व नेवाः परिचय बीगु यानातःगु दुसा निगूगु ब्वय् संघीयता व संघीयताया आज्जुयात थुइकेबीगु यानातःगु दु अथे हे स्वंगूगु ब्वय् नेवाः स्वायत्त राज्यया अवधारणा व प्रस्ताव न्ह्यब्वयातःगु दु, प्यंगूगु ब्वय् नेवाः स्वायत्त राज्यया मान्यता व स्वरुपमा विषय् न्ह्यथनातःगु दु, न्यागूगु ब्वय् नेवाः स्वायत्त राज्यया संरचना व हाथ्याया बारे खँ दु । अथेहे खुगूगु ब्वय् तँसा धकाः नेवाः स्वायत्त राज्यया मेगु राज्य ताम्सालिंग नापया स्वापू गथे जुइ धैगु खँ दु । दकलय् लिपांगुली लितंसा धकाः नेवाः स्वायत्त राज्य मंकाः संघर्ष समिति, नेवाः ध्वाँय्, नेवाः राष्ट्रिय म्येया चर्चा यानातःगु दु । थुकथं थ्व सफूया उद्देश्य नेवाः स्वायत्त राज्य धयागु नेवाःतय् नितिं आधारभूत अधिकार सुनिश्चित याकीगु मू लँपु खः धैगु थुइकाः थुकिया प्राप्तिया निंतिं नेवाःतय्‌त न्ह्यचीकेगु बीगु, संकल्परत जुइकेगु हे ख ।

Leave a Reply Cancel reply