संस्कृतिविद् डा. चुन्दा वज्राचार्यया सफू खः— नेवाः तजिलजिया च्वखँमुना । ने.सं. ११२१ य् नेपालमण्डल घःचाःधुकू पाखें थ्व सफू पिहांवःगु खः । च्वमिं इलय् ब्वयलय् च्वसा न्ह्याकातःगु झिंस्वपू च्वखँया मुना थ्व सफुलिइ नेवाः तजिलजिया जात, जात्रा, प्याखं, गुथिया विषयवस्तु जक मखु नेवाः तजिलजि दुने मिसातय्गु थाय् तक दुथ्यानाच्वंगु च्वसु दु । च्वमिया थ्व छगू अनुसन्धानात्मक निबन्ध सफू धाःसां ज्यू । थुकी नेवाः तजिलजि दुने मिसातय्गु थाय्, मिसा समानता, मिसा स्वतन्त्रता, मिसा सशक्तिकरणया भूमिका ध्वाथुइक च्वयातःगु दु ।
Leave a Reply