ठाकुरलाल मानन्धर व आने फेरगातीया संयुक्त सम्पादनय् आगमकला प्रकाशन दिल्लीपाखें ई.सं १९८६य् पिदंगु नेवारी–इङ्लीश डिक्सनरी, मोडर्न लाय्ङग्वेज अफ काठमाडौ भ्याली खँग्वः धुकूया सफू खः । थ्व सफुलिइ ६,४०० खँग्वः दुतिनातःगु दु । थुकी नेपालभाषाया प्रविष्टि, रोमन लिप्यान्तरण, व्याकर्णिककोटी व अंग्रेजीं अर्थ बियातःगु दु । थुकी नेपालभाषाया क्रिया रुपायनया व्यापक धलः दुथ्याकातःगु दु । थ्व खँग्वः धुकूया विशेषता धैगु थुकी दुथ्याःगु भूमिका नं खः ।. थ्व भूमिकाय् नेपाःगाः, नेवाः जातीय इतिहासया सार, नेवाः भाय्या विकासया म्हसीका व नेवाः भाय् छ्यलेगु निर्देशिका दुथ्यानाच्वंगु दु ।
Leave a Reply