पामिला नेपालभाषाया नांदंम्ह उपन्यासकार राज साय्मिया न्हय्गूगु उपन्यास खः । कुतः पिकाकःपाखें ने.सं. ११३८ य् पिदंगु थ्व सफू च्वमिभाजुं थः दिंवगत अबुजु ईश्वरमान व मां सुर्जदेवी मानन्धरपिंत देछायाः च्वयातःगु सफू खः । झिंच्यागू अध्यायय् ब्वथलातःगु थ्व पामिला उपन्यास, च्वमि राज साय्मिया न्हापा लिपाया उपन्यास थें जासुसी उपन्यास मखुसे छगू सामाजिक उपन्यास खः । सामाजिक उपन्यासय् नं छम्ह भमचाया दुःखद् बाखंयात कयाः च्वयातःगु कारुणिक उपन्यास खः । थ्व उपन्यास ने.सं. ११३८ या मथुराकृष्ण साय्मि सिरपाः त्याकेत ताःलाःगु उपन्यास खः ।
Leave a Reply