पूर्णदास श्रेष्ठया झिंस्वपु बाखं भाजु पूर्णदास श्रेष्ठं च्वयादीगु थीथी पत्रपत्रिकाय् पिदंगु बाखंयात बाखंयात वय्क: मदयेधुंकाः छथाय् मुनाः बाखं संग्रहया रुपय् पिकाःगु सफू खः । थ्व सफू नेपालभाषा परिषदया लुखां ने.सं ११०५ य् पिदंगु खः । बाखंमि पूर्णदास श्रेष्ठं ने.सं. १०९२ निसें ११०५ या दुने च्वयादीगु झिंस्वपु बाखं थुकी दुथ्याः । सिद्धिचरण श्रेष्ठं थुगु सफुलिइ थःगु न्ह्यखँ तयादीगु दु । माधवलाल कर्माचार्यं थुकिया सम्पादन यानाः समीक्षात्मक भूमिका च्वयादीगु दु । थथे नं जू खनी, व छेँय् थ्यंला मथ्यंला, भाग्य धायेला !, पुनांचा पुं, ग्वय्स्वां, कःस्वँ, बौ– काय्, अमर प्रेम, तःमिम्ह फ्वगिं, प्रतिशोधया लिच्वः, मातृत्वया मू, न्ह्यथु लिथु व पश्चाताप थुकी दुथ्याःगु बाखं खः । थुपिं बाखनय् मानव जनजीवनया यथार्थपरक घटनाया चित्रण दु ।
Leave a Reply