कुतः समालोचना मुना सफूया पिकाकः नेपाल संस्कृति लय्पौ खः । थ्व सफू ने.सं. ११३० य् पिदंगु खः । थ्व सफू वरिष्ठ बाखंच्वमि लक्ष्मण राजवंशीया ने.सं. ११०८ य् पिदंगु नमिग्वाःगु सर्गः निसें ने.सं. ११२९ स पिदंगु ईया किचलय् तकया झिपु बाखं सफू व लिपा पिदंगु त्वाकः बाखं मुना सफू नापं यानाः झिंछगू सफुलिइ दुथ्याःगु सत्यापुं मयाक बाखंया समालोचना मुना खः । छम्ह हे साहित्यकारया कृतिया समालोचना यानातःगु थ्व सफू नेपालभाषा साहित्यय् न्हापांगु कुतः जुइमाः ।
NewaGyanKosh
-
कुतां स्वाहाने
तःबालागु धलिं थेज्याःगु छगः सिँइ पलाः तयाः थहां वने जीक तँ तँ ग्वाखंप्वाः म्हुयातःगु स्वाहानेयात कुतां स्वाहाने धाइ ।
-
कुति
तू, हाम्वः आदि तछ्यायेत, तछ्यायेधुंकाः वःगु चुंयात घाः यायेत व खौ नचुकेत तुतिं संकेगु न्हय्कु हाकःगु यन्त्रयात कुति धाइ ।
-
कुतिमला
सालय् कुति वायेबलय् तू, चुं व खौ कुति प्वाकलय् लाकेत सालेगु ज्याभःयात कुतिमला धाइ ।