सुवर्ण शाक्यं च्वयादीगु बाखं मुना सफू खः— गंगु ख्वबि । थुकिया पिकाकः सरला श्रेष्ठ खः । ने.सं. ११०१ य् पिदंगु थुगु सफुलिइ खुपु बाखं दु । सुकुन्दा दँपतिइ पिदंगु गंगु ख्वबि, धुँज्या लसतापतिइ पिदंगु पासा, नवरञ्जन पार्विक संकलनय् पिदंगु न्हूजः, सः सामयिक साहित्य संकलनय् पिदंगु ह्याउँख्वाःद्यः, ब्वसल लोकसाहित्य मुनाय् पिदंगु भुयूफसि व आनन्दभूमि लय्पतिइ पिदंगु धर्म–देशना थ्व सफुलिइ दुथ्यानाच्वंगु बाखं खः । सफूया द्यबकिपा पुष्प रत्न शाक्यं कियादीगु खः ।
NewaGyanKosh
-
गंगु स्वांः
गंगु स्वां बाखं सफूया च्वमि स्व. बुद्धिराम प्रजापति खः । थ्व सफू साहित्य ख्यः कान्तिपुरपाखें ने.स. १०९३ य् पिदंगु खः । संसारय् सुखी सु ?, हर्न, कल्पनाया कल्पना, समाजया व्यवस्था, क्रुर समाज विवश मतिना व इतःमतः क्यनाः ब्यना च्वंगु चा शीर्षकया खुपु बाखं थुकी दुथ्यानाच्वंगु दु । थुगु सफुलिइ दुथ्याःगु निपु बाखं पल्पसा पतिइ पिदनेधुंकूगु खः । थ्व साहित्य ख्यःया न्हापांगु सफू पिथना खः ।