गुरु, मण्डल व गुरुमण्डल यज्ञमानपति वज्राचार्यं च्वयादीगु सफू खः । मणिसिंह विहारपाखें ने.सं. ११२४ य् पिदंगु थ्व गुरुजुपिं, जजमानपिं, तीर्थय् तीर्थय् दना सेवा याइपिं व अध्ययन अध्यापन याइपिनिगु निंति महत्वपूर्ण सफू खः । थुकी गुरुया अर्थ, परिभाषा व महिमा, गुरुमण्डल छ्यलेगु अवसरत, गुरुया वरण, शिष्य परिक्षण, गुरु शिष्य परम्परा, मण्डलया अर्थ मण्डल सिर्जना रत्नमण्डल, गुरुमण्डल आदि बारे च्वयातःगु दु ।
NewaGyanKosh
-
गुरुदक्षिणा
गुरुदक्षिणा सफूया च्वमि कुन्दन प्रशाद श्रेष्ठ खः । कुतः पिकाकःया पिथना थ्व सफू नेपाल संबत् ११४१ कछलाथ्व म्हपुजाकुन्हु पिदंगु खः । थ्व सफुलिइ पूर्णबहादुर बैद्यया स्वंगू सफू सरासु, छगू अभिव्यक्ति युगया व लःलःखःया बिवेचना यानातःगु दु ।
-
गुरुमापा
एस जयापाखें ने.सं. ११२३ स निर्माण जूगु थुगु संकिपाया निर्माता विजयज्योति खः । थुकिया बाखं व निर्देशक शान्तराज शाक्य खःसा कलाकारकथं बिजयज्योति, मधु शाही, बिक्रम बज्राचार्य, नेमरत्न बज्राचार्य, बसन्त शाक्य, किरण शाक्य व भैषज्यरत्न शाक्यपिं दुथ्याः । थ्व ऐतिहासिक पुलांबाखं खः । छगू इलय् येँ्या इतुंबहाःया केशचन्द्र नांयाम्ह जू म्हितीम्ह जुवाःद्यः जू म्हिताः थःगु सर्वश्व पानाः बुकाः दुःख जूगु जुल । लिपा बखुंतपाखें प्राप्त जूगु लुँ गृुरुमापा नांयाम्ह छम्ह राक्षसं क्वबिका हयाः वइत थःगु हे लागाय् केशचन्द्रं थायबाय् बिल । व गुरुमापां त्वाःबहाःया मचात खुयानयाः दुःख ब्यूगुलिं गुरुमापायात तिन्ख्यलय् तयेयंकूगु खँ थुकी न्ह्यब्वया तःगु दु ।