दांया धर्म मनूया कर्म श्याम चित्रकारं च्वयादीगु मुक्तक मुना खः । थुगु मुक्तक सफू ने.सं. १११८ यंलाथ्व २ कुन्हु साहित्यया मूलुखा पाखें पिदंगु खः । थुकी मुक्कं १०३ पु मुक्तक दुथ्याकातःगु दु । थुकी गुलि नं भाव न्ह्यब्वयातःगु दु फुक्कं हे दांलिसे स्वानाच्वंगु दु । थौंया इलय् दां चक्रवर्ती जुयाच्वंगु दु धयागु खँ न्ह्यथनातःगु दु । गथे— मनू भिंम्ह याइगु व मभिंम्ह याइगु थ्व हे दामं, मनू राष्ट्रपति जुइगु व फ्वगिं जुइगु थ्व हे दामं, मनूया घरवार व जिन्दगी चले जुइगु व मजुइगु थ्व हे दामं, दां दु सकलें दु, दां मदु सुं हे मदु, छुं हे मदु आदि आदि ।