धर्मोदयय् जि प्रेमबहादुर कसाःजुं च्वयादीगु निबन्ध संग्रह खः । ने.सं. ११०८ य् च्वसापासा पाखें पिदंगु थ्व निबन्ध पुचलय् १३ पु निबन्ध दु । च्वमि कसाः नं धर्म, भाषा व साहित्यया इतिहास कःघाःगु धर्मोदय लय्पौया सम्पादक जुयाः ज्या यानादीबलय्या सम्पादकीय च्वसु मुना धाःसां ज्यू । थुकी तर्क, अन्वेषण, बिचाः, भावना अले समाज व देशया कुरीतिया विरोधया सः थ्वयाच्वंगु दु । थुकि मोहनि वल, न्हूदँ, धर्मोदय, थिति–रिति, विवेक, झीगु भाय्, कहानी, थौंकन्हय् बुद्ध धर्म, सिथि नखः, स्त्री शिक्षा, विश्व बौद्ध सम्मेलन, भाषाया साम्राज्य व सुनां छु मधाः ? शीर्षया निबन्ध दुथ्याःगु दु ।