नेपालभाषाया बाखं साहित्यय् लिपांगु पुस्ताया बाखंच्वमि भाजु राकेश महर्जनया बाखं सफू खः थ्व धुक्धुक् धुक्धुक् । नागार्जुन पब्लिकेशन प्रा.लि.या लुखां थ्व सफू ने.सं. ११४१ य् पिदंगु खः । थ्व सफुलिइ झिंन्हयपु बाखं दुथ्यानाच्वंगु दु । थ्व सफुलिइ बाखंच्वमिं यक्व न्हून्हूगु प्रयोग यानादीगु दु । कविता शैलीया बाखं दु, फिल्म स्क्रिप्ट पहःयागु बाखं दु, निबन्ध व पत्र शैलीया नं बाखं दु । नेपालभाषाया बाखं साहित्यय् लिपांगु पुस्ताया थ्व छगू सशक्तगु बाखं सफू खः ।