तिलक प्रकाशं च्वयादीगु च्वखँ मुना सफू खः नुगःजः । ने.सं ११२६ य् नेपाल साहित्य मन्दिरया नितिं राजेन्द्रभक्त जोन्छेँ थ्व सफू पिकयादीगु खः । नुगः जः धार्मिक, सांस्कृतिक, जातीय, संस्मरण, मनोविज्ञान, साहित्य, राजनीति व स्वास्थ्यसम्बन्धी च्वसु दुगु सफू खः । थुकी दुथ्यागु नीपु च्वखँ न्हापा हे थीथी पत्रपत्रिकाय् पिहां वयेधुंकूगु खः ।
NewaGyanKosh
-
नुगः बसाः
नेपालभाषाया गजल साहित्यय् स्यलाक्क च्वसा न्ह्याकादीम्ह गजलकार भूषणप्रसाद श्रेष्ठया ने.सं ११२६य् ईलोहं प्रकाशनपाखें पिदंगु नुगः बसा गजल संग्रह केवल च्वमिया जक मखु नेपालभाषाया गजल साहित्यय् हे छगू न्हूगु प्रयोग खः । पूर्वीय शास्त्रीय छन्द पिंगल छन्दयात छ्यलाः च्वयातःगु न्ह्य्निपु गजलया थ्व संग्रह नेपालभाषाया गजल साहित्यय् नं शास्त्रीय बहरय् व वार्णिक छन्दय् गजल च्वयेज्यू, च्वयेफु धैगुया छगू दसु जूगु दु ।