पीजा जनकवि दुर्गालाल श्रेष्ठया च्वसां पिज्वःगु मात्रिक छन्दय् चिनातःगु छगू स्वच्छन्दवादी मुक्तक संग्रह खः । ने.सं. १०८७ इ भीमप्रसाद श्रेष्ठ अरय सुन्दर औषधालय किलागःपाखें पिदंगु थुगु सफुलिइ मुक्कं खुइछपु मुक्तक दुथ्याकातःगु दु । थुकी अप्वः धयाथें थः यःम्ह मतिनामि नाप लिक्क च्वनेत लालायित जुयाच्वंगु स्वच्छन्दवादी भाव दुथ्यानाच्वंगु दु । थ्वहे कथं कविं सदां थः मतिनामि नाप च्वनेत गबलें कपंया फसय् च्वनाः नापलायेत स्वइ, गुबलें स्वांया नस्वालं यःम्हेसिया किपा च्वयेत जुइ ।