रीतादेवी प्रधान (जोशी) या च्वसां पिज्वःगु फय् वःगु लँय् हाइकु बांलूगु चिहाःचिनाखँ ने.सं. ११४२ कछलाय् दिपकमान प्रधान, यलपाखें पिथंगु खः । थुकी स्वंगू अध्याय यानाः विषयवस्तु न्ह्यथनातःगु दु । मू विषयवस्तुइ झिंच्यापु, सी.टी कलेजया विषयय् झिंस्वपु व सानफ्रन्सिस्कोया बारे झिंच्यापु यानाः मुक्कं १३० पु हाइकु बांया चिहाःचिनाखँ दुथ्याकातःगु दु । थुकी दुने मिसाया नुगः प्वःचीमफुगु दृश्य, भुखाचं लाःगु लिच्व, मतिना, कोरोना, शिक्षा, यौन, पारिवारिक, यःत्यःया नापं थःगु सामाजिक जीवनया अनुभूतियात प्रधानता बियातःगु खनेदु ।
NewaGyanKosh
-
फय्गं
विमल ताम्राकारया थुगु फय्गं हाइकु सफू ने.सं ११३१ कौलाथ्व ३० कुन्हु विराट नेपालभाषा साहित्य गुथि पाखें गुथिया रजत जयन्तीया लसताय् पिथंगु खः । थ्व सफुलिइ न्यय्स्वपु हाइकु दुथ्यानाच्वंगु दु । अले मुक्कं छगः बिम्ब (किग्वः) छ्यलाः हाइकु चिनातःगु दु । थुकी राजनीति विषयवस्तु लिसें मनू व समाजया विषयय् च्वमिं थःगु थीथी अभिव्यक्ति प्यंकातःगु दु ।