लय्ति तयाः दायेकीगु चायागु भारा । क्वंचा बां जुइ । तग्वः जुइ मखु । छायेके क्वं पाय्ग्वः जक जुइ । तफि यानाः बुक्क उनातःगु जुइ । भुतुली द्यछुनाः क्वाकी । तसकं क्वात धायेव कसी तयाः क्वाकातःगु लय्ति थलचा छगलं तुयाः थुकी तयाः दाबुक दायेकेगु याइ । छक्वलं तइ मखु । छकःया बामाना स्वचकंया ल्याखं जक तइ । न्हापा तयागु ग्वारा काल धायेव जक मेगु तइ । भचा न्हापा लात धायेव दासि वयाः वाइगु भय दइ ।
NewaGyanKosh
-
बःचाधंगु नेवाः खँग्वः धुकू
बःचाधंगु नेवाः खँग्वः धुकू वांगमय शताव्दीपुरुष सत्यमोहन जोशीया सम्पादनय् लाकौल पिथना महाबौद्ध येँ पाखें ने.सं ११०७ स पिदंगु शब्दकोशया सफू खः । थ्व शब्दकोशय् १५००० नेपालभाषाया विविध पक्षया खँग्व दुथ्याकातःगु दुसा प्रविष्टि, व्याकरणिक कोटी व शब्दया अर्थ फुक्क नेपालभाषां हे बियातःगु दु । थ्व कोश नेवाः भाय् सयेकेबीत मखु नेपालभाषाया थीथी पक्षया खँग्वया अर्थ थुइकेबीगु निंतिं च्वयातःगु कोशग्रन्थ खः । थ्व ग्रन्थय् येँया नेपालभाषायात हे स्तरीय भाषा नालाः छ्यलातःगु दु ।
-
बःताथ्वँ
प्वकय् थ्वँया सवाः मदये धुंकाः नं लः तयाः वँया कयातःगु थ्वँ । थ्वँ खः ला खः धया थें ज्याःगु थ्वँ । सवाः साइ मखु । न्यालुसे च्वनी ।