जापानी भाषाया नांजाःम्ह च्वमि ओसामू दाजाई जुं च्वयादीगु खः थ्व बीनिभाः उपन्यास । सन् १९४७ य् जापानय् पिदंगु थ्व उपन्यासं संसारय् हलचल हयाबिल । जापानया कुतुं वनाच्वंपिं कुलीन वर्गया मनूतय् जःखः चाःहिलाच्वंगु थ्व उपन्यास खः । डायरी, पौ व इच्छापत्र थेंजाःगु माध्यमं थी थी फ्लासबाय्क टेकनिक छ्यलाः उपन्यासकारं उपन्यासयात स्वंगू आयामं परिपूर्ण यानाब्यूगु दु । विश्वय् हलचल हयाब्यूगु थ्व उपन्यासयात नेपालभाषाय् भाजु केशबमान शाक्यजुं अनुवाद यानादीगु खः । थ्व उपन्यासयात ने.सं.१०९८ य् अनुवाद साहित्यय् श्रेष्ठ सिरपाः लाःगु खः । थ्व उपन्यास ने.सं.११०४ य् ल्याय्म्ह पुचः पाखें पिदंगु खः ।
NewaGyanKosh
-
बीनिभाः
बीनिभाः सफू भाजु भूषणप्रसाद श्रेष्ठं च्वयादीगु न्हू बाखं/चिबाखं पुचः खः । साहित्य मूलुखा यल पाखें ने.सं १०९८ य् पिदंगु थ्व सफुलिइ झिंनिपु बाखं दुथ्यानाच्वंगु दु । यइपुगु शैली थौंया न्हूबाखंया विशेषतायात कःघानाः च्वयातःगु थ्व बाखं संग्रहय् थौंया वास्तविक जीवनया यर्थाथता नापं विद्रोहया सः प्रतिध्वनित जुयाच्वंगु दु ।