कृष्णभक्त बोडेया निगूगु हाइकु सफू कथं पिदंगु मिचल दुने सफू ने.सं. ११२५ पोहेलागा ४ कुन्हु विराट ने. भा. सा. स. गुथिया लुखां पिदंगु खः । थुगु सफुलिइ १०३ पु हाइकु दुथ्याकातःगु दु । थुकी झीगु भाषा व जातियात जुयाच्वंगु दमन व शोषण न्ह्यब्वयातःगु दु । लिसें प्रकृतिया विम्व छ्यलातःगु दु ।
NewaGyanKosh
-
मिच्छुबहाः (चैत्यवर्ण विहार)
यल क्वाःबाहाःया लिउने इलाननिइ मिच्छु बाहाः (चैत्यवर्ण विहार) अवस्थित दु । थुकियात भिच्छु बाहाः नं धायेगु याः । दथुइ तग्वःगु चैत्य व धर्मधातुमण्डल दु । द्यःछेँया मूलुखा कलात्मक जू तर थुकिया फुसय् च्वंगु तोरणय् द्यः मदयेधुंकल । दुने क्वाःपाःद्यःकथं उत्तर स्वःम्ह चैत्यधारी बोधिसत्व स्थापना यानातःगु दु । मातनय् तोरण लिसेंया स्वपाः झ्याः दुसा च्वतय् विमानझ्याः छुनातःगु दु । थुकिया निर्माणकालसम्बन्धी ऐतिहासिक प्रमाण लुयावःगु खनेमदु । आः थन उपलब्ध अभिलेख मध्ये ने.सं. ८०७या अभिलेख चैत्य जीर्णोद्धार सम्बन्धी दु । थुगु बहालय् ८४म्ह संघया दुजः दु । उमिगुपाखें थन दछियंकं थीथी धार्मिक क्रियाकलाप जुयाच्वंगु दु ।