रामभक्त कायस्थया हाइकु मुना सफू लखय् लूगु किचः ने.सं. ११४२ य् भरत साःमि देगः म्हिचा सफूपाखें पिथंगु खः । थुकी न्यय्निपु हाइकु दुथ्याकातःगु दु । हाइकु दुने थःम्हं खनागु, थःम्हं भोगे यानागु थीथी अनुभूतियात हाइकुया थासाय् थानाः जीवन मरणया खँ न्ह्यथनातःगु दु । धर्म संस्कृतिया खँत प्वंकातःगु दु । राजनीति, क्रान्ति, विद्रोहया भाव लिसें मेमेगु थीथी भावत प्रकृतिया विम्ब छ्यलाः कलात्मकढंगं अभिव्यक्त यानातःगु दु ।