लिफः प्रबन्ध सफू कवि मयजु प्रतिसरा साय्मिं च्वयादीगु न्ह्यद्याय् नीप्यपु व लिद्याय् स्वीगुपु यानाः मुक्कं खुइस्वपु रचनाया संग्रह खः । थ्व लिफः सफुलिं आधुनिक गद्य कवि कथं प्रतिस्थापित वय्क:यात प्रबन्ध ख्यलय् नं उलि हे सशक्त व सक्रिय धकाः म्हसिइके ब्यूगु दु।
नागार्जुन पब्लिकेशन प्रा.लि. पाखें ने.सं.११३९ य् पिदंगु वय्क:या थ्व प्रबन्ध मुना आपालं पत्रपत्रिकाय् पिदने धुंकूगु वय्क:या रचनाया संग्रह खः । थः म्वानागु ईया इतिहासय् लिफः स्वयेगु कुतः यासें, थःत हःपाः ब्यूपिं ब्यक्ति, समय व समाजया प्रवृति, जीवनया वास्तविकता थुइका ब्यूपिं व्यक्तिपिनिगु चरित्र, त्याग व आदर्श थुइका सश्रद्धां लुमंकेगु कुतः जूगु थुगु श्रृजनाया विशेषता खः ।