वयात छें पितिनि दुर्लभलाल सिंह सुवालया चिबाखं मुना खः । स्वीगुपु चिबाखं दुगु थुगु सफू ने.सं.११०९ य् च्वसापासां पिथंगु खः । चिबाखंया स्वभावकथं थुकिया बाखंत प्रतीकात्मक व सन्देशमूलक जू । सत्य, द्वापर व कलि, शैतानया पूजा, बौ व काय्, विकास, वयागु ब्लड प्रेसर, लागाया शेर, लँजुवाः व लँपु, नसा व खा, थौंया लोकप्रियता, धायेगु व यायेगु, शान्ति व बखुं, ई वइतिनि, वेँय्छेँ, छगू जंगलया आदि बाखंत थकी दु । वयात वयागु छें पितिना हल शीर्षकया बाखंया नामं सफूया नां तयातःगु खः । थ्व बाखनय् आतंकवादया जन्म गुकथं जुल धयागु प्रतीकात्मक बाखं न्ह्यथनातःगु दु ।
NewaGyanKosh
-
वय्क:पिंत लुमंकाबलय्
वय्क:पिंत लुमंकाबलय् निबन्ध सफू सुवर्ण शाक्यं च्वयादीगु खः । थ्व सफू ने.सं ११२९ य् ओलम्पस क्लबपाखें पिदंगु खः । थ्व नेपालभाषा साहित्य, संस्कृतिलिसें बौद्धधर्म व सामाजिक ख्यःया झिंच्याम्ह हनेबहःपिं आर्दश व्यक्तित्वपिनिगु छुंछुं बिचाः, आदर्शया नापं वय्क:पिनिगु ज्याखँयात लुमंकाः च्वयातःगु छगू न्ह्यथनेबहःगु सफू खः ।