धनवन्तरी थर कालान्तरय् वैद्य थरय रूपान्तरण जूगु खः । वेद परम्पराया आधारय् वास; याइपिं स्यस्यःतय्त वैद्य धोयगु चलन दु । थुमित थुकथं ब्वथलातःगु दु– ताहायाःगु मिखा स्याइबलय् वासः याइपिं ज्यापुवैद्ययात – ताहा वैद्य, धँुयागु गःपतय् क्वँय् थाइबलय् व जीवजन्तुयात वासः याइपिं वैद्ययात– द्यः वैद्य (३) घाटय् यंकाः अन्त्य अवस्थाय् वासः याइपि वैद्ययात – घाट वैद्य (४) लायकुलिइ जुजुपिनिगु परिवारयात वासः याइपिं वैद्ययात राजवैद्य धाइ ।
थुमिसं बिरामीतय्गु नारी स्वयेगु, व्यथा स्वयाः सीका वासः यानाः लायेकेगु व थीथी वासः दयेकेगु ज्या याइ । हिन्दू धर्म माने याइपिं वैद्यतय्गु बासस्थान ग्वल पशुपतिइ खः । ग्वलय् च्वंपिं वैद्यत भ्वँत व किपुलिं वःपिं धाइ । वैद्यत स्वनिगः व नेपाःगाःया थीथी थासय् च्वनाच्वंगु खनेदु ।
NewaGyanKosh
-
वैद्य
-
वैद्यबाः
वैद्यबाः सत्यमोहन जोशीं च्वयादीगु सत्य घटनाय् आधारित पूर्णांकी नाटक खः । नेपालभाषाया अनन्य सेवक कोशकार पन्ना प्रसाद वैद्यया जीवनयात कयाःच्वयातःगु थ्व वैद्यबाः सफू अनुराज जोशी, बखुंबहाः यलपाखें ने.सं. १०९१ य् पिदंगु खः । थ्व नाटकय् दिनचर्या, कोश पिकायेगु ग्वसाः, लक्ष्य लँपुइ, दुर्घटना लिपा व शोकसभा यानाः न्यागू लु दु । नाटकय् वैद्यबाःनं नेपालभाषायागु कोश सफू प्रकाशन यायेत थीथी मन्त्रालयय् वनाः ज्यासनाः जूगु झ्वलय् ने.सं. १०८७ थिंलाथ्व १४ कुन्हु मोटरसाइकल दुर्घटनाय् लानाः दिवंगत जूगु व लिपा वयागु बिचाः मुंज्या याःगु तकया घटनाया चित्रण दु ।