नेपालभाषा विषयय् एम.ए यानाः वि.सं. २०३७ सालं निसें भक्तपुर क्याम्पस, ख्वपय् नेपालभाषा विषय ब्वंकादीम्ह मय्जु पूर्णदेवी श्रेष्ठया जन्म सन् १९४९ फेब्रुअरी ३ तारिख कुन्हु जूगु खः । वय्कःया मां गंगादेवी श्रेष्ठ व बौ कृष्णभक्त श्रेष्ठ खः । नेपालभाषा मिसा खलःया सदस्य जुयादीम्ह वय्कलं नेपालभाषा विषयय् ब्वंकेगु झ्वलय् थःगु क्याम्पसय् नेपालभाषा ब्वनीपिं विद्यार्थीपिंत थीथी कथं ग्वाहाली यानाः विद्यार्थीपिंत नेपालभाषा ब्वनेपाखे मन क्वसायेकेबीगु नापं नेपालभाषा ब्वनीपिं विद्यार्थीपिनिगु ल्याः थकायेगु ज्या यानादीगु दु ।
Leave a Reply