नेपाल मण्डल अनुसनधान गुथि यलपाखें ने.सं. ११२९ कछलाय् पिथंगु शंखधरकृत नेपाल संवत् सफू नांजाःम्ह अनुसन्धाता भाजु काशिनाथ तमोटं च्वयादीगु खः । थ्व अनुसन्धानमूलक सफू ने.सं. ११२० य् नेपाल संवत्या प्रवर्तक शंखधरयात नेपालया राष्ट्रिय विभूति घोषणा याःगु विषययात कयाः थीथी न्ह्यसः दंगुलिं धाथें शंखधर धयाम्ह सु खः ? शंखधर धयाम्ह दुगु खः ला मखुला ? धयागु खँया लिसः बी कथं शंखधरनाप स्वापू दुगु अभिलेखत न्ह्यब्वयाः च्वयातःगु सफू खः । थ्व सफुलिइ मुक्कं नीछपु ऐतिहासिक च्वसुत नापं नेपाल संवत्नाप स्वापू दुगु अभिलेखया फोटो नं दुथ्याकातःगु दु ।
Leave a Reply