बद्री बेदनाया च्वसां पिज्वःगु टु लेट क्यान्भास नांया बाखं सफू ने.सं. ११३२ य् नागार्जुन प्रकाशनपाखें पिदंगु खः । थुगु सफुलिइ बाखं व चिबाखं सवाः वःगु मुक्कं ३० पु बाखं दुथ्याकातःगु दु । बाखं दुने थीथी विम्ब छ्यलाः प्रतीकात्मक रुप प्रस्तुत यानातःगु तःपू बाखं खनेदु । गथेकि देय्या अवस्था स्यनाः अशान्त जुयाच्वंगु हुनिं देय् दयेकेत, सौन्दर्यमय यायेत, न्हूपिं कलाकारया निंतिं आह्वान यानातःगु दु । कुसंस्कार, भेदभाव, अन्त यायेमाःगु जोड लःया पात्रतय्सं सन्देश बियाच्वंगु दु । अथेहे हरेक जीवनया थःथःगु अस्तित्व दइ धयागु खँ स्वांया पात्रतय्सं थःगु संवादय् न्ह्यथनातःगु दु । लिसें तःधं चीधं, तःमि चीमि खँ लिसें मनूतय्त गुलि स्वतन्त्र माः, गुलि म्वाः, बन्धन गुलि माः गुलि म्वाः व मतिना व मेमेगु थीथी न्हूबाखंत खंकेफइ ।
Leave a Reply