वैद्यबाः सत्यमोहन जोशीं च्वयादीगु सत्य घटनाय् आधारित पूर्णांकी नाटक खः । नेपालभाषाया अनन्य सेवक कोशकार पन्ना प्रसाद वैद्यया जीवनयात कयाःच्वयातःगु थ्व वैद्यबाः सफू अनुराज जोशी, बखुंबहाः यलपाखें ने.सं. १०९१ य् पिदंगु खः । थ्व नाटकय् दिनचर्या, कोश पिकायेगु ग्वसाः, लक्ष्य लँपुइ, दुर्घटना लिपा व शोकसभा यानाः न्यागू लु दु । नाटकय् वैद्यबाःनं नेपालभाषायागु कोश सफू प्रकाशन यायेत थीथी मन्त्रालयय् वनाः ज्यासनाः जूगु झ्वलय् ने.सं. १०८७ थिंलाथ्व १४ कुन्हु मोटरसाइकल दुर्घटनाय् लानाः दिवंगत जूगु व लिपा वयागु बिचाः मुंज्या याःगु तकया घटनाया चित्रण दु ।
Leave a Reply