ने.सं. ११४३ य् पिदंगु डा. आनन्द जोशीया विम्व दुने जि, पिने जि हाइकु सफू रुवरिक व कुतः पिकाकःया मंकाः पिथना खः । थुकी दुने हाइकु प्यंगू ब्व कथं न्ह्यब्वयातःगु दु । न्हापांगु ब्वय् विविध विषयया न्हयेन्हय्पु हाइकु, निगूगु ब्वय् बुद्ध साय्मि व जिया नामं न्यापु हाइकू, स्वंगूगु ब्वय् इन्द्र माली व जिया नामं न्यापु हाइकु, दकलय् लिपांगु ब्वय् थौंया मनूया प्रतीक नां बियातःगु झिंगुपु हाइकु यानाः मुक्कं न्यय्पु हाइकु दुथ्याकातःगु दु । थुकथं थ्व सफुलिइ हाइजिन आनन्द जोशीं थःगु थीथी अनुभूतिया नापं थः समकालिन हाइजिन पासापिनिगु नं परिचय बीगु चेष्ठा यानादीगु दु ।
Leave a Reply