व्याकरण परिचय प्रा. डा. तुयुबहादुर महर्जनं च्वयादीगु व्याकरण शास्त्र सम्बान्धी परिचयात्मक सफू खः । कुतः पिकाकःपाखें ने.स ११३७ य् पिथंगु थ्व सफुलिइ च्यागू अध्ययाय दु । गथे—
१) परिचय
२) व्याकरणया पृष्ठभूमि
३) व्याकरणया विशेषता
४) व्याकरण धयागु कला, शास्त्र वा विज्ञान
५) व्याकरणय् अध्ययनया लागा
६) विभिन्न अर्थय् व्याकरणया प्रयोग
७) व्याकरणया मेमेगु विषय नाप स्वापू
८) व्याकरणया ताजि । थुकथं व्याकरण व भाषाविज्ञान विषयया अध्ययता भाजु तुयुबहादुरं थ्व सफुलिइ व्याकरण छु खः ? गज्याःगज्याः व्याकरण दु, पुर्वीय देशय् व्याकरणया विकास गुकथं जुल, पश्चिमी देसय् व्याकरणया च्वज्या सुनां सुनां पलाः न्ह्याकल धैगु खँ न्ह्यथनादीगु दु । अन्तय् व्याकरणं भाषा निर्माण याइगु मखु भाषां व्याकरणया जन्म बीगु खः, उकिं व्याकरण धयागु भाषाया पहरेदार खः, संरक्षक जक खः धकाः निष्कर्ष बियातःगु दु ।
Leave a Reply