सविन महर्जनया हाइकु मुना सफू वसन्तया बुँ ने.सं. ११३६ य् कुतः पिकाकःपाखें पिदंगु खः । थुकी दुने थीथी विषयया सछिपु हाइकु दुथ्याकातःगु दु । हाइकु दुने स्वां गनं मखं तर नस्वाः वयाच्वंगु आभास जुयाच्वनी । जीवन भ्रम खः ला धकाः अलमल जुयाच्वनी । आजु ध्वदुकेत वनाच्वंम्ह मनूयात इमुचां न्यायेगु वयागु पलाः दीमखु, न्ह्यज्यानां तुं च्वनी । अले इन्द्रेणी विम्ब छ्यलाः एकताया महत्व न्ह्यब्वयातःगु दु । थाय्थासय् ज्यापुया विम्ब छ्यलाः नं हाइकु ज्यानातःगु दु ।
Leave a Reply