यलया अगिंमथः सफू मय्जु निजिरोस श्रेष्ठ न्याछ्यंनं च्वयादीगु संस्कृति विषयया च्यापु च्वसुया संग्रह खः । बिजय प्रकाशन बागडोल यल पाखें ने.सं. ११३३ य् पिथंगु थ्व सफुलिइ यलया अगिंमथःया उत्पत्ति, अग्निहोत्रीया विधि व्यवहार व नियुक्ति आदि थेंज्याःगु तसकं महत्वपूर्ण संस्कृतिया च्वसुत दुथ्यानाच्वंगु दु । यलया अगिंमथः नेपाःया धार्मिक, सांस्कृतिक नापं ऐतिहासिक महत्वं जाःगु यज्ञभूमि खः । वैदिक व तान्त्रिक विधि कथं पुजा, होम, यज्ञ याइगु थ्व थाय् धार्मिक दृष्टिं जक मखु पर्यटकीय दृष्टिं नं स्वये जिउ धकाः सन्देश बीत ताःलाःगु थ्व सफूया विशेषता खः ।
Leave a Reply