ययात्युपाख्यान जुजु रणजित मल्लं च्वयादीगु पूधाः प्याखं खः । शान्तहर्ष बज्राचार्यजुं सम्पादन यानादीगु थ्व सफू ने.सं. ११०३ म्हपुजा कुन्हु बिमला बज्राचार्यपाखें पिदंगु खः । प्याखंया मू विषयवस्तु जुजु ययाती देबजानी व शर्मिष्ठायागु मतिना सम्बन्धी खः । दैत्य गुरु शुक्राचार्यं तंचायाः जुजु ययातीयात मत्यवं हे चय्दँया वैशय् क्यनीगु श्राप ब्यूगु जुयाच्वनी । जुजु ययातिया चय्दँ वैशनाप जुजुया कान्छाम्ह कायं थःगु उमेर अबुयात बियाः हिलाबुला यानाकाइ । जुजु ययाति हानं ल्याय्म्ह जुइ । जुजु ययाति थः काय्या त्याग बलिदान खनाः तसकं लय्ताइ । थ्व हे घटनाय् थ्व प्याखं न्ह्याःकातःगु दु ।
Leave a Reply