सोतिपाँय् च्वमि रामशेखरं च्वयादीगु बाखं मुना सफू खः । थ्व सफुलिइ च्यापु बाखं दुथ्यानाच्वंगु दु । रत्नगोपाल साँय्जु व शिवराम श्रेष्ठ थुकिया पिकाकः खः । थुगु बाखं मुनाय् साहित्यकार परमानन्द बज्राचार्यया ताःहाःगु भूमिका नं दुथ्यानाच्वंगु दु । ने.सं. १०८४ य् पिदंगु थ्व सफुलिइ— प्याखने च्वंम्ह मिसा, मतख्याः, फिसले, अनुभव, स्वये मफैगु, परिचय, कलाः भाःत व घाट वैद्य बाखं दुथ्याना च्वंगु दु । बाखं रोचक जू, मर्मय् द्यू, गुगुं बाखनय् इतिइति न्हीकेगु याःसां गुगुं बाखनय् ख्वयेकेगु याःगु दु । छपु बाखं ब्वन धायेवं सिमधःतले मत्वतेकेगु हे थ्व बाखं सफूया विशेषता खः ।