हःसय् हाइँसय् ग्वंगःसः मुना ख्वपं ने.सं. १०९५ य् पिदंगु बाखं संग्रह खः । झीगु भाषा साहित्यय् मजानाच्वंगु धुकू जायेकेगु नापं झीथाय् जुयाच्वंगु फुक्क शोषणया विरुद्धय् बाखं, च्वखँ, चिनाखँ सफू च्वयाः–च्वकाः पिब्वयेगु पिकायेगु प्रगतिशील बिचाः ज्वनाः स्थापना जूगु ग्वंगःसः मुना संस्थापाखें पिदंगु थ्व बाखं सफुलिइ झिपु बाखं दुथ्यानाच्वंगु दु । चन्द्रप्रसाद कक्षपतिया चिठ्ठा कल्पनाया खुसी, सत्यलाल मूलया ब्वला, गंगा मैया घौबडेलया फसं थ्वाःगु मचा ब्याहा, धनमान श्रेष्ठया उला बाखं, रामेश्वरया भ्वाथःगु दसि पौ, श्यामलाल दिवाकरया छगू विद्रोह छगू व्यवस्था, रामनारायण प्रजापतिया ताझ्येँ तुझ्येँ, केशव नारायण राजोपाध्यायया छपु बाखं म्वाःम्ह शहीदया, रामकृष्ण श्रेष्ठ हलुवाइया समिनी व रामशेखरया थथ बाखं थ्व सफुलिइ दुथ्यानाच्वंगु बाखं खः ।