भावनाया किचलय् मय्जु रीता महर्जनं च्वयादीगु हाइकुया संग्रह खः । लुम्बिनी सम्यक् फाउण्डेशनपाखें ने.सं ११४२ य् पिदंगु थ्व सफुलिइ मतिना सम्बन्धी न्यय्गुपु, मिसा व प्रकृति विषयया स्वीनिपु, तजिलजि व सम्पदा सम्बन्धी झिंखुपु व ल्वाकःबकःगु नीप्यपु यानाः जम्मा १३१ पु हाइकु दुथ्यानाच्वंगु दु । थथे थीथी विषयया हाइकु नापं थ्व सफुलिइ नेपालभाषाया नांजाःपिं हाइजिनपिं गथे –बिमल ताम्राकार, महर्जन रत्न, सुरेश प्रधानपिनिगु भिंतुना नापं लुम्बिनि सम्यक् फाउण्डेशनपाखें प्रकाशकीय मन्तुना नं दुथ्यानाच्वंगु दु । थुपिं भिंतुना मन्तुनां मय्जु रीता महर्जनया थ्व भावनाया किचलय् दुथ्याःगु हाइकुयात थुइकेत जक मखु हाइजिन रीतायात म्हसीकेत अझ अःपुकाब्यूगु दु ।
Leave a Reply